Циклондар және олармен байланысты фронтальды бөліктер Қазақстан Республикасының солтүстік және оңтүстік аймақтарына әсер ете бастайды - жауын-шашын жауады, оңтүстікте жаңбыр, солтүстікте жаңбыр және дымқыл қар түрінде жауады, - делінген синоптиктер хабарламасында.
Республикамыздың орталығы, солтүстік-шығысы және шығысына антициклон әсер етеді - ауа райы жауын-шашынсыз сақталады. Республиканың кей жерінде жел күшейеді, тұман сақталады, солтүстік-батысында көктайғақ күтіледі.
Ақмола, Қостанай, Павлодар облыстарының кей жерінде тұман, желдің күшеюі 15-20 м/с күтіледі. Солтүстік Қазақстан облысында желдің күші 15-20, күндіз екпіні 23-28 м/с жетеді, кей жерінде тұман күтіледі.
Түркістан, таңертең және күндіз Қызылорда, күндіз Манғыстау облыстарының кей жерінде жел 15-20 м/с дейін күшейеді.
Жамбыл, Атырау, Батыс Қазақстан, Шығыс Қазақстан, Қарағанды облыстарының кей жерінде тұман күтіледі.
Ақтөбе облысының кей жерінде көктайғақ күтіледі.
Просмотров материала: 0