1 шілде күні Павлодарда шамамен сағат 23:00-де Лермонтов және Дерибас көшелерінің қиылысында аулада жеті-сегіз жасөспірім өз подъезінің ауласында шылым бермегені үшін ер адамды қатты ұрып тастаған, деп хабарлайды Pavlodarnews.kz .

«Подъезде камера немесе видеотіркеуіші жұмыс істеген адамдарды хабарласуды сұраймын. Олар жазасыз қалмауы тиіс. Ертең кез келген адамға осылай жасауы мүмкін», - деп жазады хаттың авторы Іnstagram әлеуметтік желісіндегі tipavlo.dar парақшасында.

Облыстық полиция департаментінің баспасөз қызметінде аталған фактінің тіркелгенін хабарлады.

2022 жылы 2 шілде күні сағат 00:30-да 102 операторының пультіне Лермонтов көшесі,120 мекенжайы бойынша 36 жастағы ер адамды ұрып-соғу туралы қоңырау түскен. Бұл жағдайға қатысы бар адамдарды анықтау бойынша іздестіру іс-шаралары жүргізіліп жатыр.