Павлодарда жасөспірім Ертіс өзенінде суға батып өлді, деп хабарлады облыстық төтенше жағдайлар департаментінің баспасөз қызметі.

"Сағат 17.57-де 112 нөміріне Ертіс өзенінде ескі теміржол көпірі маңында шомылып жүрген 14 жастағы бала суға батып кеткені туралы хабарлама түсті. Қайғылы оқиға шомылуға тыйым салған жерде болған", - деді департаменттің баспасөз қызметі.

Оқиға куәгерлерінің айтуынша, жасөспірімді судан алып шыққан, бірақ оны аман алып қалу мүмкін болмады. Оқиға орнына жеткен дәрігерлер оның қайтыс болғанын хабарлады.