Синоптиктер бүгін, яғни 21 маусымға арналған ауа райы болжамын жариялады.

«Атмосфералық фронталды бөліктердің әсерінен ҚР аумағының басым бөлігінде тұрақсыз ауа райы сақталады, күн күркіреп, жаңбыр жауады. Еліміздің оңтүстік-батыс өңірлерін қоспағанда, қатты жаңбыр жауады», - делінген «Қазгидромет» хабарламасында.

Атап айтқанда, Ақмола облысының батысында, солтүстігінде, оңтүстігінде бұршақ, дауыл болады, күндіз облыстың басым бөлігінде жел күші 15-20, күндіз екпіні 23-28 м/с күшейеді.

Алматы облысының оңтүстігінде, шығысында, таулы аудандарында, Ақтөбе облысында, күндіз Павлодар, Қарағанды облыстарының басым бөлігінде, батыста, шығыста және Атырау облысының орталығында, солтүстікте, Қызылорда облысының орталығында жел 15-25 м/с күшейеді.

Түркістан облысының оңтүстігінде, таулы және тау бөктерінде бұршақ жаууы ықтимал, батысында, оңтүстігінде, таулы және тау бөктерінде жел 15-20 м/с күшейеді.

Батыс Қазақстан облысының солтүстігінде, шығысында, оңтүстігінде бұршақ, дауыл болады, солтүстік-батысында жел 15-20 м/с күшейеді.

Күндіз Маңғыстау облысының оңтүстік-батысында, солтүстігінде шаңды дауыл тұрады, желдің жылдамдығы 15-20 м/с жетеді.

Қостанай облысының солтүстігінде, батысында-бұршақ, дауыл, түнде солтүстік-батыста, батыста, күндіз облыстың басым бөлігінде жел 15-23 м/с жетеді.

Солтүстік Қазақстан облысының солтүстігінде, шығысында, батысында бұршақ жаууы ықтимал, түнде солтүстікте, шығыста, күндіз басым бөлігінде желдің жылдамдығы 15-20, күндіз екпіні 23-28 м/с жетеді.

Шығыс Қазақстан облысының солтүстігінде, шығысында, батысында 15-23 м/с жел тұрады, күндіз дауыл соғады.

Жамбыл облысының оңтүстігінде, солтүстігінде, таулы аудандарында бұршақ, дауыл болады, оңтүстік-батысында, солтүстік-шығысында, таулы аудандарда жел 15-20 м/с күшейеді.

Күндіз Атырау, Қарағанды облыстарының оңтүстігінде, солтүстік-батыста, Шығыс Қазақстан облысының оңтүстігінде қатты ыстық болады. Қызылорда, Шығыс Қазақстан, Алматы, Атырау облыстарының басым бөлігінде, Ақтөбе облысының оңтүстігінде, шығысында, Қарағанды облысының батысында, шығысында, Түркістан, Жамбыл облыстарының оңтүстік-шығысында төтенше өрт қаупі сақталады.