Ақтөбеде үйсіз-күйсіз жүргендер 800 миллион теңге айналымы бар компанияның директоры мен құрылтайшысы болып шықты. Бұл туралы Azattyq Rýhy Tengrinews.kz-ке сілтеме жасап хабарлайды.
Ақтөбе қаласындағы Алматы ауданының прокуратурасы қиын жағдайға тап болған адамдарды қайта әлеуметтендіру орталығында бұзушылықтарды анықтады. Орталықта тұратын 14 адам кәсіпкерлер, жауапкершілігі шектеулі серіктестіктердің директорлары мен құрылтайшылары ретінде тіркелді.
«Арнайы сұрақ қойып, «бизнес иелерін» тексеру барысында аталмыш компанияларға еш қатысы жоқ екендерін айтты. Олардың үшеуі – 1-ші және 2-ші топтағы мүгедектігі бар адамдар. Сонымен қатар оларға тиесілі «бизнестің» айналымы 2021 жылдан бастап 2022 жылдың сәуіріне дейін 800 миллион теңгені құраған», – деді Ақтөбе қаласы Алматы ауданының прокуроры Жасұлан Дәулембаев.
Талдау нәтижелері бойынша салық органдарына заң бұзушылықтарды жою туралы ұсыныс енгізілді, ал материалдар іс жүргізу шешімін қабылдау үшін экономикалық тергеу департаментіне жіберілді.
Ақтөбеде үйсіз-күйсіз жүргендер 800 млн теңге айналымы бар компанияның басшысы болып шықты
2022-06-09 16:20:15
Последние новости
09.06.2022
ПОЙДЁМ В КИНО?
09.06.2022
Чем полезна корица
09.06.2022
Қазақстанда ағаш экспортына тыйым салынды