Пәтер алып беремін деп 21 шымкенттікті алдаған әйел 4 жылға сотталды, деп хабарлады Polisia.kz.
Шымкент қаласының тұрғыны мемлекеттік бағдарламамен пәтер алуға көмектесемін деп екі жыл бойы азаматтарды алдап келген. Алаяқтың арбауына 21 тұрғын түскен. Олар алаяққа 34 миллион теңге ақша берген.
Алаяқтықты кәсіп еткен 27 жастағы әйел қала аумағында соғылып жатқан көпқабатты тұрғын үйлерден танысы арқылы пәтер алып бере алатындығын айтып, тұрғындардың сеніміне кіріп, ақшаны өз пайдасына жаратып отырған. Сондай-ақ балаларына қарау үшін үйіне жұмысқа алған әйелдің банк карточкасын қолдануға алдап сұрап алып, ұялы телефонына оның қосымшасын орнатып алған.
Жәбірленушілердің ақшасы осы карточкаға түскен. Ол жөнінде жәбірленуші білген сәтте полицияға арызданған.
Басқа жәбірленушілерден алған ақшаны кездейсоқ адамдарға өтініш жасап, банкоматтардан шешіп жүрген. Үйді ала алмай, алданғанын білген тұрғындар полицияға арызданған.
Тәртіп сақшылары жедел-іздестіру жұмыстары барысында куәлерден жауап алып, сұрастыру жұмыстарын жүргізіп, банктік аударымдар тексеріліп, күдіктінің алаяқтық ісі дәлелденген. Ол қылмыстық істі жасағаны үшін 4 жылға сотталды.
"Пәтер алып беремін": Шымкентте алаяқтықты кәсіп еткен әйел сотталды
2022-06-06 16:20:20
Последние новости
06.06.2022
Қазақстанда сұйытылған газ қымбаттауы мүмкін
06.06.2022
Алда үлкен міндеттер тұр – Асхат Оралов