Қайтыс болған 13 азаматтың отбасы мүшелеріне «Қазақстан халқына» қоры ақшалай төлемдер жіберді, олардың жазатайым құрбан екенін құзырлы орган растады.
Сондай-ақ, қаңтар оқиғасы кезінде ауыр жарақат алған 2 баланың ата-анасына ақшалай төлемдер жіберілді. Бір бала оқ жауған көлікте отбасымен бірге, ал екінші бала оқ атылған көлікте әкесімен бірге болған. Төлемдер зардап шеккен балалар туралы мәліметтер түскеннен кейін жүргізілді.
«Қазақстан халқына» қорының баспасөз қызметі
Қордың дерегі бойынша, санаттағы жәбірленушілерге жолданған жалпы төлем сомасы 97 млн теңге болды.
Қаза тапқандардың отбасына 7 миллион теңгеден, ауыр жарақат алған балалардың туыстарына 3 миллион теңгеден төленді.
Сондай-ақ Қор өкілдері Қамқоршылық кеңестің шешімімен қаңтар оқиғасының кездейсоқ құрбаны болған барлық қаза тапқан азаматтардың отбасыларына құзырлы органдардан тізімдері нақтыланғаннан кейін төлемақы берілетінін еске салды.
Қаңтарда жазатайым құрбан болған 13 азаматтың отбасына қаржы аударылды
2022-04-22 12:21:04
Последние новости
22.04.2022
26-летний мотоциклист погиб в ДТП в Алматы
22.04.2022
Осы демалыс күндері Қазақстанда күн суытады