"Сот шешімі бойынша, Түркістан қаласының тұрғыны 15 тәулікке әкімшілік қамауға алынып, 7 жылға көлік құралын басқару құқығынан айырылды. Осылайша, тәртіп сақшыларының кәсіби іс-әрекеті арқасында соңы қайғылы жағдайға әкеп соғуы мүмкін жол қозғалысы ережесін бұзу дерегі уақтылы тоқтатылды", - делінген сайтта.
Айта кетейік, оқиға 5 қыркүйекте сағат 19:00 шамасында Ерубаев көшесі бойында болғаны хабарланған болатын. Әлеуметтік желіде полицейлер жол бойында жүргізушіні көлігінен мәжбүрлеп түсіріп жатқаны түсірілген видео таралды.
Ведомство мәліметінше, түркістандық полицейлер ішімдік ішкен жүргізушіні тез арада ұстап, жол апатының алдын алған. Үлкен көше бойында жол ережесін өрескел бұзған жүргізуші, өзге де көліктерге апаттық жағдай туғызғаны айтылды.