Алматы қаласы полиция бастығының орынбасары Рүстам Әбдірахманов 1991 жылғы азамат Айдархановтың "бірнеше рет сексуалдық сипатта зорлық-зомбылық жасау әрекеттері" бабы бойынша сотталғанын айтты.
Анықталғандай, Айдарханов Баум тоғайының кісі көзінен таса жерінде әйелдерді сырттан бақылап, күтіп отыратын болған, ал қолына түскен құрбанды пышақпен қорқытып, зорлаған.
Полиция мұндай қылмыстың төрт фактісін дәлелдеді.
Айдархановтың неше жылға сотталғаны айтылмады. Ал аталған бап бойынша қылмыскерлер тоғыз жылдан 12 жылға дейін бас бостандығынан айырылатыны белгілі.