Ресми мәліметке сәйкес, кеше 27 маусым күні 23 және 38 жастағы екі ер адам автобустың ішінде сөзге келіп қалды. Одан кейін аялдамада түсіп, төбелесіп қалған. Әлеуметтік желіде осы оқиғаның видеосы тарап кетті. Полицияның үш адамды ұстап жатқанын анық байқауға болады. Ал бұзақылар қарсылық көрсеткен.
"Ер адамдар бір-бірін танымайды. Автобустың ішінде жанжал шыққан. Арты төбелеске ұласып кетті. Абай аудандық полиция бөліміне бес адам жеткізілді. Екеуі мас болған. Оларды уақытша бейімдеу және детоксикация орталығына орналастырды", - дейді полицейлер.
Қазіргі кезде төбелес шығарғандарды ұсақ бұзақылық бойынша жауапқа тарту мәселесі қаралып жатыр.
Осы бапқа сәйкес, 5 АЕК мөлшерiнде айыппұл салу немесе 10 тәулiкке дейiнгi мерзiмге әкiмшiлiк қамаққа алу жазасы қарастырылған.