Жерлесіміз Кристина Шумекова Италияның Милан қаласында өткен жасөспірімдер арасындағы Әлем кубогы кезеңінде үш алтынды қанжығасына байлады.
— Бұл үлкен жетістік — Кристинаның таланты мен табандылығының айқын көрінісі. Жерлесіміз халықаралық аренада еліміз бен өңіріміздің намысын абыроймен қорғап, Қазақстанның спорттық беделін биік көтерді. Оның бұл жетістігі — барша халқымыз үшін үлкен мақтаныш әрі жас спортшыларға үлгі. Жаңа белестер мен жарқын жеңістер тілеймін! — деді өңір басшысы.