Солардың бірі — «Новоишимский мелькомбинат» ЖШС-ның қуаттылығы жылына 750 мың тонна болатын роботтандырылған құрамажем зауыты. Кәсіпорында 45 жұмыс құрылған. Қазіргі таңда сынақ режимінде 50 мың тонна өнім өңделген.
Петропавл қаласында жұмыс істеп тұрған «Qyzyljar» арнайы экономикалық аймағы жоғары тиімділікті көрсетіп отыр. Өңірдің экономикалық мүмкіндіктерін кеңейту мақсатында Ғабит Мүсірепов атындағы аудан аумағында жаңа қосалқы аймақ ашу жоспарланған. Учаске көлемі 60 гектарды құрайды, кейіннен 200 гектарға дейін ұлғайтылмақ.