Бүгін СҚО әкімі Ғауез Нұрмұхамбетовтың төрағалығымен әкімдік отырысы өтіп, өңірдің биылғы 5 айдағы әлеуметтік-экономикалық даму қорытындылары талқыланды.
Есепті кезеңнің қорытындысы бойынша облыс экономикасы 9,4%-ға өсті. Негізгі салаларда тұрақты өсім байқалады:
- Құрылыс — +28,9%,
- Сауда — +12,5%,
- Өңдеу өнеркәсібі — +12,2%,
- Ауыл шаруашылығы — +7,5%,
- Тұрғын үйді пайдалануға беру — +7,6%,
- Инвестиция — +6,7%.
Облыс әкімі бұл нәтижелер барлық деңгейде үйлесімді жұмыстың жемісі екенін атап өтті. Отырыс қорытындысы бойынша нақты тапсырмалар берілді:
- экономикалық көрсеткіштердің өсуін қамтамасыз ету,
- инвестициялық жобаларды жүзеге асыру мен инвесторлармен жұмысты күшейту,
- құрылыс пен тұрғын үйді пайдалануға беру жоспарының орындалуын бақылау.