Наурызнама күнтізбесі аясында бір күн мәдениет пен ұлттық дәстүрлерге арналды. Бұл мерекенің Петропавлдағы №17 ұлттық жаңғыру орта мектеп-кешенінде өтуі кездейсоқ емес. Мерекеге облыс әкімі Ғауез Нұрмұхамбетов қатысты.
Қазақстанда баламасы жоқ бірегей оқу орны жалпы білім беретін сыныптарды ұлттық бөлімшелермен ұштастырады, олардың саны – 10. Мектеп шағын мемлекет іспеттес, онда әртүрлі ұлт өкілдері ортақ мереке – Наурызды атап өтті. Оқушылар этноауылды таныстырып, этномәдени бірлестіктердің қатысуымен ұлттық тағамдар жәрмеңкесін, қолөнер бұйымдары көрмесін және спорттық ойындарды көрсетті.
«Наурыз ұстаздар, оқушылар және қонақтарды достық пен бірлік атмосферасында тоғыстырып, халықтардың бай мәдени мұрасына деген құрметтің символына айналды. Мерекенің соңында қатысушыларға ұлттық дәстүрлер мен тілдерді сақтау, халқымыздың салт-дәстүрлеріне ерекше мән бергені үшін алғыс білдірдім», — деп жазды өңір басшысы әлеуметтік желіде.