Бүгінгі таңда қарасайлық жеке кәсіпкерлер мен жаны жомарт тұрғындар ауданымызда орналасқан емдеу мекемелеріне медициналық құрал-жабдықтарды сыйға тартуда. Сол арқылы жерлестерінің өмірін сақтап қалуға барынша ат салысуда.
Сондай мейірімді жандардың бірі Евгения Никольская мен оның отбасы өз қаражаты есебінен Қарасай аудандық орталық ауруханасының провизорлық бөліміне оттегі концентраторын алып берген. Бұл игілікті іс туралы аурухананың инстаграмдағы парақшасында айтылды.
Аурухана ұжымы Евгения ханым мен оның жақындарына, сондай-ақ барлық демеушілерге ризашылығын білдірді.