Көктемнің алғашқы күндерімен бірге келетін, ерекше жылулық сыйлайтын 8 Наурыз – Халықаралық әйелдер мерекесі қарсаңында Алматы қаласында «Аналар мәңгі жасасын!» деген атпен IV Республикалық байқауы өтті.
Оған Қарасай ауданынан да бірнеше бүлдіршін қатысып, өз өнерлерін ортаға салды. Топ жарғандардың қатарында қарасайлық кішкентай жұлдыз Бақашарұлы Әділбек те бар. Жас өнерпаз байқауда бас жүлдені жеңіп алды.
Әділбекті өнер әлемінде жетелеп, тәлімін беріп жүрген музыкалық жетекшісі Қалбибі Абдуллаеваның еңбегі зор екенін айта кеткен жөн.