Бензин акцизінің бағасы литріне 10 теңгеге дейін қымбаттамақ. Қазір ол 8 теңге шамасында. Ұлттық экономика министрі Руслан Дәленов Үкіметтің осындай қаулы дайындап жатқанын айтты. Егер қабылданса, 1-желтоқсаннан бастап ішкі нарықтағы бензин бағасы 6%-ға дейін өседі. Қазір орта есеппен ең өтімді АИ-92 маркасы 149-150 теңгемен сатылуда. Жаңа талап енсе, бағасы 158 теңгеге дейін бару мүмкін. Министр бағаның өсуін әлеуметтік шығыстардың көбеюімен байланысты дейді.