Шамалған бекетіндегі бағыттаушы белгінің қатесі жөнделді, деп хабарлайды Kaskelenkz тілшісі.
Нақты айтар болсақ, Қарасай ауданына қарасты Шамалған бекетіндег теміржол өткелінің алдында Қарағанды, Алматы қалаларына, Ұзынағаш ауылына жол көрсетіп тұрған бағыттаушы тақтайшада қате жазу болған. Ондағы Uzynagash сөзіндегі z әріпі теріс қарап қалған еді. Бұл өрескел қате ұзақ уақыт көпшіліктің назарына ілінбей тұған. Дегенмен, бір тұрғын байқап, тақтайшаның суретін редакциямызға жолдады.
Өз кезегімізде біз бірден жергілікті әкімдікке хабарластық. Бірақ, бұл тақтайша республикалық маңызы бар жол бойында тұрғандықтан, оған "Қазавтожол" мекемесі жауапты екенін білдік.
Аталған мекеменің баспасөз қызметі біздің сауалымызға бірден жедел іс-қимыл көрсетіп, қате бірнеше сағат өтпей-ақ түзелді. Осылайша, әлеуметтік желі арқылы тағы бір мәселе шешімін жылдам тапты.