Азиз ўқувчи, китобда машҳур турк ёзувчиси Рашод Нури Гун текиннинг китобхонлар орасида севиб ўқиладиган « Чолиқуши » ҳамда « Тамға » сингари асарлари ўрин олган. « Чалиқуши » романида меҳр - муҳаббат, ишқ мавзусига кўпроқ урғу берилади. Роман қаҳрамони Фарида – жуда чиройли, хушрўй қиз, аммо бу кўркамлик ҳаёти давомида унга кўплаб қийинчиликлар туғдирганини асарни ўқиш давомида тушуниб оласиз. Тамға асари эса ижтимоий ҳаётдаги аччиқ камчиликларни очиб беради. Асар бир хатоликка, гуноҳга йўл қўйиш инсон ҳаётини тубдан ўзгартириб юборишини, асл яшаш маъносини ёритиб беришда алоҳида аҳамиятга молик. Иккала асарда ҳам ҳаётнинг чигал онларига тушиб қолган қаҳрамонларнинг бошидан кечирганлари, оғир тўсиқлардан ўтиб, янгича ҳаёт ибтидосига қадам қўйишлари билан боғлиқ воқеаларга ошно тушасиз.