«...Ривоятлардан бирида келтирилишича, Қуръони каримнинг сақланишида ушбу умматнинг қизлари ҳам беқиёс ҳисса қўшганлар. Қуръони карим нусхаларини кўпайтириш, тарқатиш учун босмахоналар бўлмагани сабабли қизлар мадрасаларни тугатганларидан кейин, турмушга чиққунларига қадар, уй юмушларидан фориғ бўлгандан сўнг, таҳорат билан жойнамоз устида ўтириб, Аллоҳ таъолонинг каломи - Қуръони каримни ҳуснихат ила ёзишга киришганлар. Ҳар куни оз-оздан ёзиб, маълум муддатда уни тугатганлар. Қизларнинг ота-оналари улар томонидан ёзилган ушбу Қуръонни олиб, муқова қилиб берганлар. Мана шу Қуръон нусхаси қизнинг сепига қўшиб берилган...»