Маңғыстау облысының бұрынғы бас полицейі Мақсұтхан Әбләзімовтің анасы Бибіжамал Әбләзімованы ақтық сапарға шығарып салуға жүздеген адам жиылды. Бұл туралы өзінің Telegram-каналында Қазақстан премьер-министрінің штаттан тыс кеңесшісі Ербол Еділов хабарлады, деп жазады Lada.kz.
"Полиция генерал-майоры, Батыс Қазақстан облысы полиция департаментінің басшысы Мақсұтхан Әбләзімов пен бизнесмен Бахаридин Әбләзімовтің анасы Бибіжамал Әбләзімова 79 жасында өмірден озды", - деп жазылған 1 тамызда жарияланған хабарламада.
Бүгін, марқұмның үйінің маңында тұрғындар көптеп жиналғанын жазады. Өңірдегі шектеу шараларына қарамастан, жүздеген адам келген.
Полиция қала ортасында адамдардың көптеп жиналуына байланысты түсініктеме берген жоқ. Облыста адам көп жиналатын шараларды өткізуге тыйым салынған, соның ішінде жаназа мен ас та бар.
Жүздеген адам жиылды - Ақтауда болған жағдайдың видеосы тарап кетті
2020-08-03 13:00:55
