Әлеуметтік желіде белсенді сенатор Мұрат Бақтиярұлы карантин кезінде қайтыс болған адамды ең жақындары ғана жерлеу керек және ас беріп, адам жинамау керек дейді. Әйтпесе, депутаттың ойынша, өлімге жиналудың немесе той-томалақ жасаудың арты жақсылыққа апармайды, деп хабарлайды AzattyqRuhy.kz.
«Осыдан бір жұма бұрын бірге қызмет жасайтын азаматтың әкесі қайтыс болып, елге сұранып кетті. Мен оған індетке байланысты жағдайдың өте күрделі екенін, мүмкіндік болса, ағайындар кейін де көңіл айтатынын ,соны туыс-туғанға дұрыстап түсіндірерсің, үйде мүлдем дастархан жаюға болмайды, айналайын, соны ескерерсің деп едім. Өкінішке қарай, кейін естігенімдей, бірнеше жүз адам жиналған ,асты-төкті дастархан жайылған . Нәтижесі Нұрсұлтан қаласынан сап сау барған азамат әйелімен бірге індет жұқтырып ауруханадан бір-ақ шықты. Демек, сонда жиналған адамдардың көпшілігі індет жұқтырды деген сөз. Ағайын, бұл індет соғыстан да жаман. Соғыста жауыңды көресің ғой, бұл мылтықсыз майдан. Ағайынға, өзіңе , отбасыңа жаның ашыса, жақындама, араласпа. Бүкіл той дегенді бастан шығарып таста. Қайтыс болған адамды ең жақын туыс бес-алты адамы жерлесін. Өлгеннің артынан өлемеймін десең барынша сақтан. Өз өмірің өз қолыңда екенін ұмытпа», - деп дабық қақты сенатор.
Айта кетейік, коронавирус індетінің өршуіне байланысты, Қазақстанның кейбір өңірлерінде карантин күшейген. Нұр-Сұлтан мен Алматы қалаларында демалыс күндері адам көп жиналатын орындардың бәрі жабылып жүр. Елімізде қаза тапқандар саны 183 адамға жетті.
«Жүздеген адамға ас беріп, ауру таратқан». Сенатор «соғыстан да қиын» ауру туралы дабыл қақты
2020-06-29 13:00:42
Последние новости
29.06.2020
Алматы облысында жедел желі іске қосылды
29.06.2020
Скончался журналист Куандык Шамахайулы
29.06.2020
Данияр Есин жаңа қызметке тағайындалды