Төтенше жағдайдан кейін Қазақстанға шетелден ұшып келген жолаушылардан коронавирус табылған жоқ. ҚР Денсаулық сақтау министрлігінің көліктегі бас санитар дәрігері Сәдуақас Байғабылов осылай деп мәлім етті, деп хабарлайды ҚазАқпарат.

ОКҚ-дағы баспасөз мәслихатында Сәдуақас Байғабылов үшінші санатқа жататын мемлекеттермен ұшақ қатынасы мүлде тоқтатылғанын мәлім етті.

«Эвакуациялық және чартерлік рейстермен Қазақстанға Түркиядан 17 әуе рейсі орындалды. 2 163 жолаушы келді. Оның 465-де анықтамасы бар. Жалпы ұшу барысында жолаушылардан анкета алынатынын және әуежайда байланыссыз термометрия жүргізілетінін айта кету керек. Келген жолаушылардан дене қызуы немесе КВИ белгілері анықталған жоқ», - деді Сәдуақас Байғабылов.

Еске сала кетсек, Сәдуақас Байғабылов бұған дейін Қазақстан тұрақты әуе рейсін қалпына келтіретін елдердің тізімін ұзартып жатқанын хабарлаған еді.