Екі жақтың келісімімен Қазақстан Республикасы Кәсіподақтар федерациясы (ҚРКФ) және Өзбекстан Кәсіподақтар федерациясы (ӨКФ) тарапынан мамыр айының басында Өзбекстандағы Сардоба су қоймасының бұзылуы салдарынан болған су тасқынынан зардап шеккен елді мекен тұрғындарына қайырымдылық көмек көрсетілді, деп хабарлайды AzattyqRuhu Түркістан облысы әкімінің баспасөз қызметіне сілтеме жасап.
Екі елдің кәсіподақ төрағалары Мырзакент кентінде жергілікті тұрғындармен және су апатынан зардап шеккен елді мекендердегі мектеп басшыларымен кездесті.
«ҚРКФ басшысы Аманжолов, Мүсірепов, Фердоуси атындағы орта мектептер мен «Нұрлы жол» елді мекеніндегі білім ұясына 25 ноутбук, 25 парта мен 50 орындық, 2 принтер, бір-бірден мультимедиалық тақта табыс етті»,- делінген хабарламада.
Сонымен қатар, су тасқынынан зардап шеккен елді мекендердің 100 тұрғынына ҚРКФ қарасты «Көктем», «Меркі», «Манкент», «Жаңақорған», «Щучинск» шипажайларына жолдама беріліп, ем қабылдауларына мүмкіндік жасалынып отыр. Тегін жолдамалар зейнеткерлер, мұғалімдер мен көпбалалы және аз қамтылған отбасыларға да берілді.
«Апаттан зардап шеккен ауданның мұғалімдеріне Республикалық білім және ғылым қызметкерлері салалық кәсіподағы тарапынан да елеулі қолдау көрсетіліп, 365 білім саласы кәсіподақ мүшесіне материалдық көмек ретінде 35 мың теңгеден берілді. ҚР Кәсіподақтар федерациясының мүшелік ұйымдары 50 млн. теңгенің көмегін көрсетті»,- делінген хабарламада.
Өзбекстан кәсіподақтары жалпы сомасы 16 миллион теңге көлемінде гуманитарлық көмек алып келді. Соның ішінде алғашқы қажеттілік тауарлары, құрылыс материалдары, төсек-орын жабдықтары мен азық-түліктер бар.
Қазақ-өзбек кәсіподақтар қауымдастығы мақтааралдық мұғалімдерге 66 миллион теңге үлестірді
2020-06-18 07:00:47
Последние новости
18.06.2020
Бүгін ауа райы құбылмалы болады