ҚР Премьер-министрі Асқар Мамин мен Жамбыл облысының әкімі Бердібек Сапарбев мінген тікұшақтан шыққан ақауды арнайы комиссия тексереді. Бұл туралы «Қазавиаспас» АҚ қоғаммен байланыс бөлімі хабарлайды, деп жазады AzattyqRuhy.kz.
«Тікұшақ Жамбыл облысындағы Қордайда тәртіпсіздік болған аумақты айналып жүргенде есептегіш гидравликалық жүйе істен шыққан. Бортта Премьер-министр Асқар Мамин мен Жамбыл облысының әкімі Бердібек Сапарбаев болды. Оларда бәрі жақсы. Барлығы дін-аман екінші бортқа отырғызылды. Енді азаматтық авиация саласындағы уәкілетті орган, яғни Индустрия және инфрақұрылымды дамыту Министрлігімен ақауды анықтау үшін комиссия құрылады. Комиссия тікұшақтың бұзылу себептеріy анықтайды », - деді ІІМ ТЖК «Қазавиаспас» АҚ қоғаммен байланыс жөніндегі маманы Анар Хамитова
Еске салайық, Премьер-министр Асқар Мамин 12 маусымда Жамбыл облысына жұмыс сапарымен барған болатын.
Мамин мен Сапарбаев мінген тікұшақ апатты жағдайда қонды. Арнайы комиссия құрылады
2020-06-15 13:00:38
