Нұр-Сұлтанда ер адам автокөліктерге пышақ ала жүгірді(ВИДЕО)

Нұр-Сұлтанда өтіп бара жатқан автокөліктерге пышақ ала жүгірген мас адам ұсталды, деп хабарлады елордалық полиция департаментінің баспасөз қызметі, деп жазады SputnikNews.kz.

Оқиға 8 маусымға қараған түні Абай даңғылы мен Янушкеевич көшесі аумағында болған.

Полицейлер ер адамның жат қылық көрсеткенін жедел басқару орталығының видеобақылау камералары арқылы байқаған. Ол жол бойымен келе жатып, пышағын қайрап, автокөліктерге бас салған, жүргізушілер ол жерден тез кетіп қалған.

Оқиға орнына жеткен полицейлер жанжалқойды ұстап, Байқоңыр ауданының полиция басқармасына жеткізді. Ол 29 жастағы қала тұрғыны болып шықты. Құқық қорғау органдары қызметкерлерінің айтуынша, ол мас болған.

Оқиға орнынан пышақ пен қайрақ алынды, деп хабарлады полиция.

Қылмыстық кодекстің 293-бабы (Бұзақылық) бойынша сотқа дейінгі тергеу амалдары жүргізіліп жатыр