Атырау қаласындағы газ құю станциясында жарылыс болды, деп хабарлайды ҚазАқпарат.

Оқыс оқиға бүгін, 5 маусымда жергілікті уақытпен сағат 08:20 шамасында болған. Атамбаев көшесінде орналасқан автокөлікке газ құю стансысында автоцистерна жарылған. Соның салдарынан өрт шыққан.

«Жарылыстан бір адам зардап шекті. Өртті сөндіруге 16 қызметкер мен 3 техника жұмылдырылды. Оқиғаның мән-жайы тексеріліп жатыр» деп хабарлады Төтенше жағдайлар департаментінен.