Айгүл Тұрашева желі қолданушыларына ҚР «Неке және отбасы» Кодексіндегі өзгерістер мен жаңалықтар жөнінде айтып берді.
Тұрғындарға қолайлы жағдай жасау және әкімшілік кедергілерді жою мақсатында азаматтық хал актілерін тіркеу бөлімі «Астана – адалдық алаңы» жобасы аясында жүзеге асырылған Байқоңыр ауданы әкімдігінің фронт кеңсесінде орналасқан.
Адам өміріндегі маңызды жағдайлар азаматтық хал актілерін тіркеу бөлімінде заңдастырылып рәсімделеді.
Туу, қайтыс болу, неке қию, сот шешіміне сәйкес некені бұзу, атын, әкесінің атын және тегін ауыстыру мәселелері тіркеуші органдарда белгіленген мерзімдерде міндетті мемлекеттік тіркеуге жатады.
«Қазіргі таңда Нұр-Сұлтан қаласында төтенше жағдай енгізілуіне байланысты азаматтар тарапынан электронды үкімет порталы арқылы мемлекеттік қызметтер алуға өтініштер келіп түсуде. Ал АХАТ бөлімінің қызметкерлері тарапынан тиісті қызметті көрсету заң аясында жүзеге асырылуда. Аазаматтарға мемлекеттік қызметтерді алуға өтінішті үйден шықпай-ақ, онлайн түрде алуға ұсынамын» – деді Байқоңыр ауданы бойынша АХАТ бөлімінің басшысы.
Электронды түрде өтініш бергеннен кейін дайын құжатты мемлекеттік тіркеуші органнан алуға мүмкіндік бар. Спикер дайын құжаттарды азаматтарға беру қаламызда карантин мерзімі біткен соң жүзеге асырылатынын жеткізді.
Электронды үкімет порталында техникалық ақаулар болған жағдайда 1414 байланыс нөмірлеріне хабарласуға болады.
Просмотров материала: 0