Әнші Меруерт Түсіпбаева Баян Алагөзованың тарихи және мәдени мәні зор ұлттық жобаларға жетекшілік етуіне байланысты пікір білдірді.

Оның айтуынша, продюсердің қазақ тілін жетік меңгермеуі, сондай-ақ дәстүр мен мәдениетті терең түсінбеуі – мұндай жобаларды сапалы атқаруға жеткіліксіз.

«Қыз Жібек», «Қозы Көрпеш – Баян сұлу» сияқты ұлттық классикаларды түсіруге дәстүр мен тілді шынайы түсінетін кәсіби мамандар тартылуы тиіс», – деді Түсіпбаева.

Продюсер Баян Мақсатқызы өзіне бағытталған сынды назардан тыс қалдырған жоқ. Ол Instagram желісінде қысқа әрі нақты жауап берді.

«Адам неғұрлым дарынсыз болса, соғұрлым оның талаптары көп болады», – деп жазды Алагөзова.