Кез келген адам тегін заңгерлік кеңес алып, үкімет өкілдерімен тікелей байланыса алады. Азаматтарды қабылдау мерзімі шектелмейді, ол соңғы келушіге дейін жалғасады.
Акцияға кәсіби заңгерлер, соның ішінде тәжірибелі, беделді заңгерлер, нотариустар, прокурорлар қатысады. Сондай-ақ, тергеушілерге, сот орындаушыларына, полиция қызметкерлеріне, кәмелетке толмағандармен жұмыс істейтін қызметкерлерге, әділет органдарына, көші-қон полициясына, банк омбудсменіне мәселеңізді айта аласыз. Қабылдауды жауапты басшылық қызметтерді атқаратын ҮЕҰ мен мемлекеттік органдардың өкілдері жүргізеді.
Кіру және кеңес алу тегін. Толық және нақты ұсыныстарды алу үшін өзіңізбен бірге іс бойынша құжаттарды алып келуіңіз керек.
30 мамырда Қазақстанның барлық қалалары мен елді мекендерінде «Халық заңгері» республикалық акциясы басталады.
Еліміздің әрбір тұрғыны мамандардан тегін кеңес ала алады. Іс-шара өтетін орындардың мекенжайлары сілтемеде көрсетілген.
Республикалық маңызы бар қалаларда мамандармен келесі мекенжайлар бойынша кеңес алуға болады:
Астана
Әл-Фараби атындағы Оқушылар сарайы: Бауыржан Момышұлы даңғылы, 5 үй.
(17:00-де басталады)
Алматы
Caspian University (Каспий университеті): Достық даңғылы, 85а
(17:00-де басталады)
Қонаева атындағы университет: Құрманғазы көш.107.
(17:00-де басталады)
Шымкент
Арбат: Бейбітшілік даңғылы, 4-6 үй.
(16:00-де басталады)
Іс-шара Қазақстан Республикасы Үкіметінің қолдауымен өтеді, ұйымдастырушылары – Қазақстан Республикасы Сыбайлас жемқорлыққа қарсы іс-қимыл агенттігі, Қазақстан Республикасы Әділет министрлігі, Zakon.kz интернет-басылымы, Параграф ақпараттық жүйесі, Республикалық заңгерлер колледжі, мемлекеттік органдар, Қазақстанның үздік заңгерлері мен адвокаттары.
Ұйымдастырушылар «Халық заңгері» республикалық акциясы аясындағы барлық кеңестер мүлдем тегін берілетінін тағы да еске салады. Бұл азаматтық қоғамды дамытуға, құқықтық көмек көрсетуге және қазақстандықтардың құқықтық сауаттылығын арттыруға қосылған үлес.
Ал шараға қатыса алмайтындар үшін Zakon.kz арнайы чат-ботын іске қосты. Оның көмегімен сарапшыларға азаматтардан сұрақтар қабылданады. Бірақ сұрамас бұрын, өз қалаңызды көрсетіңіз.
Қазірдің өзінде қазақстандықтарды қызықтыратын үлкен көлемдегі ақпарат келіп түсті, оны мамандар өңдеп жатыр.
Азаматтардың түрлі сауалдары бар. Біреулер азаматтық іс бойынша, біреулер қылмыстық іс бойынша кеңеске мұқтаж. Көптеген қазақстандықтардың тұрғын үй заңнамасына қатысты шешімін таппаған мәселелері болса, басқаларының еңбек, банк, жер және салық заңнамасына қатысты сұрақтары бар. Біреулерді отбасылық-некелік қатынастар мәселелері қызықтырады, басқалары — мұрагерлік, жылжымайтын мүлік, айыппұлдар, білім беру, несие, кибербуллинг және тағы басқа даулы мәселелер. Көбінесе адамдар құқықтық жанжал туындаған жағдайда өзін қалай қорғау керектігін, неден бастау керектігін білмейді, бұл жерде «Халық заңгерінің» көмегі баға жетпес.
30 мамырға дейін мамандарға чат-ботта өз сұрағыңызды қою мүмкіндігін жіберіп алмаңыз, онда сіз міндетті түрде сауатты жауап таба аласыз.