Белгілі заңгер Жохар Өтебеков әлеуметтік желілерде бұл процеске белсенді түрде түсініктеме беруде.
«Мені мұның соңы қалай аяқталатыны енді қызықтырмайды. Бастысы бұл оқиға елдегі тұрмыстық зорлық-зомбылық жағдайына әсер ете алды. Ең сорақысы, біздің әділетті сотымыз өзін жаман жағынан көрсетті. Кәсіби маман ретінде бұл мені алаңдатады», — дді Өтебеков.
Адвокат айыптаушы тарап пен судьяның жұмысына көңілі толмайтынын айтты. Олар «процеске бақылауды жоғалтып, сотты «ток-шоуға» айналдыруға мүмкіндік беруде. Маңызды сәттерді күтіп, тыңдаудың орнынан араптардың сөзін орынсыз ескертулермен тайып тастайды.Сонымен қатар Өтебеков бұл атышулы істің тым саясиландырылғанын айтты. Мұны адвокат объективті құқықтық баға беруге кедергі келтіреді дейді.
Адвокаттың сөзінше, Салтанат Нүкенованың өліміне қатысты сот процесі өте жылдам өтіп жатыр. Бұл Қазақстандағы сот тәжірибесіне тән емес деп санайды.
«Әдетте мұндай соттар 2-3 айға созылады. Сондықтан Бишімбаевты тез соттайды деп айта аламыз. Әңгімені сот процесінің аптасына төрт күн, толық уақыт режимінде көрсетілуінен бастайық. Іс жүзінде бұлай болмауы керек. Неліктен бұлай болды? Себебі адвокаттар шағымдана бастайды. Олардың басқа жұмысы бар екенін айтады. Әрине барлық тараптарға тактиканы әзірлеуге және маңызды бөлшектерді мұқият зерделеуге уақыт қажет», — деді Өтебеков.
Десе де, адвокат бұл процестің созылып кетуіне қатысты халықтың пікірімен келісетінін жеткізді.
«Судья (Астана қаласының қылмыстық істер жөніндегі мамандандырылған ауданаралық сотының төрағасы – Айжан Көлбаева) тараптардың дау-дамайға, алауыздыққа, жанжалға түсуіне жол беріп отыр. Сондықтан сот процесі созылып кетті. Тараптар Салтанат Нүкенованы өлтірді деген айыпқа еш қатысы жоқ нәрселерді талқылап жатыр. Судья бітпейтін пікірлерді тоқтатуы керек», — деді Өтебеков.
Айта кетейік, бұған дейін Бишімбаевтың туысы Байжанов көмек сұрап қоңырау шалған дәрігер сотта куәгер болғаны туралы жазған едік.
Бұған дейін бұрынғы ұлттық экономика министрі Қуандық Бишімбаев әйелі Салтанат Нүкенованы өлтірді деген күдікпен ұсталған. Кейіннен қылмысты жасырды деген айыппен Салтанат Нүкенова көз жұмған мейрамхананың директоры да тұтқындалды.
Сондай-ақ экс-министр Қуандық Бишімбаевқа Қылмыстық кодекстің 110-бабы 2-бөлігі («Азаптау»), Қылмыстық кодекстің 99-бабы 2-бөлігі 5-тармағы («Аса қатыгездікпен адам өлтіру») бойынша жаңа айыптар тағылған еді. Ал оның туысы Бақытжан Байжанов қылмысты жасырғаны және хабарламағаны үшін айыпталған.