Парламенттегі ұсыныс
Мәжіліс отырысында депутаттардың бірі әділет министрі Азамат Есқараев алдында осындай мәселе көтерген. Оның айтуынша, жұртшылық тарапынан осындай өтініш көп түсіп жатыр. Тіпті Конституциялық сотқа жүгінгендер бар. Мәжілісмен 7 жыл жүргізуші куәлігінен айыруды ірі айыппұлмен алмастыруға болатынын айтқан.
Есқараев не дейді
– Біріншіден, автокөлік қауіптілігі жоғары құрал. Есірткі қабылдаған немесе ішімдік ішкен адам рөлге отырса, қауіп тіпті артады. Сол себепті осындай қатаң шара қабылданған. Қоғамның дәл сондай сұранысы әділет министрлігіне де түскен. Қоғамның, ғалымдардың, құқық қорғаушылардың қатысуымен мәселені тағы қарастыруға аболады. Бәлкім, жаңа форматта, – деді Есқараев.
Лепеха қарсы
Ішкі істер министрлігі Игорь Лепеха бұл ұсынысқа бірден қарсы шықты. Ол алдымен, статитистиканы айтып, қаншама адам мас күйдегі жүргізушілердің салдарынан қаза болып, жараланғанын айтты.
– Қазіргі шара қажетті әрі орынды. Оны қайта қарастырудың да, жеңілдетудің қажеті жоқ, – дейді ол.
Лепеханың сөзінше, егер осы қатаң шара болмаса, қиын жағдайлар екі есе көп болар еді.