Талғар қаласында №3 орта мектепке жарылғыш зат қойылғаны туралы хабарламадан кейін ғимараттан 1100 адам эвакуацияланды, деп хабарлайды Azattyq Ruhy.
Облыстық ПД мәлімдеуінше, белгісіз біреу мектептің электронды поштасына білім ордасына жарылғыш зат қойылғандығы туралы хабарлама жолдаған.
«23 қарашада сағат 14:45-те Алматы облыстық полиция департаментінің кезекші бөліміне Талғар қаласы №3 орта мектебіне бомба қойылғаны туралы хабарлама келіп түсті. Соған байланысты аталған орта мектептен 1000 оқушы, 90 мұғалім және 25 техникалық персонал эвакуацияланды», — деп көрсетті Алматы обылстық ПД баспасөз қызметі.