Қазақстанның тұңғыш президенті Нұрсұлтан Назарбаев Қайрат Сатыбалдының ісіне қатысты пікір білдірді, деп хабарлайды Stan.kz ақпарат агенттігі.
Назарбаев Сатыбалды коллаж
«Соттың үкімі әділ болды деп ойлаймын. Егер адам оны әділетсіз деп санаса, қарсы шағым беруі керек, бәрін сот шешеді», — деп Назарбаев дауыс беруден кейін журналистердің сұрағына жауап беріп.
Экс-президент Нұрсұлтан Назарбаевтың немере інісі Қайрат Сатыбалды наурызда қамауға алынған.
Оның үстінен КСО және «Қазақтелекомға» байланысты «алдау жолымен мүліктік залал келтірді», «сеніп тапсырылған бөтен мүлікті иемденіп алу не талан-таражға салды» деген айыппен қылмыстық іс қозғалған еді.
Қайрат Сатыбалды – Нұрсұлтан Назарбаевтың бауыры Сатыбалды Назарбаевтың (1947-1981) баласы.
Биыл қыркүйекте сот Қайрат Сатыбалдыны алты жылға бас бостандығынан айырып, мүліктерін тәркілеуді үкім еткен, мемлекеттік қызметте кемінде он жыл істеуге тыйым салған.