Қасым-Жомарт Тоқаев Цифрлық даму министрлігіне ең шалғай ауылдарды SpaceX және OneWeb төмен орбиталық спутниктік жүйелердің желілерімен қамту жұмысын жандандыруды тапсырды. Бұл туралы мемлекет басшысы 28 қыркүйекте Digital Bridge 2022 форумы барысында айтты, деп хабарлайды Zakon.kz.
Жаһандық мегатренд қазірдің өзінде жаһандық экономика дамуының басты факторы ретінде цифрлық трансформацияның шешуші рөлін айқындап отыр.
Сарапшылардың болжамы бойынша, 2025 жылға қарай цифрлық технологияларды енгізудің әсері 40 триллион долларға жетеді.
Біз экономикамыз бен индустриямызды цифрлық технологияларға және Индустрия 4.0 бағытына қайта бағыттауды мақсат етіп отырмыз.