Жергілікті атқарушы органдар сайлау учаскелерінде мүгедектігі бар азаматтардың дауыс беру жағдайын қамтамасыз ету бойынша қажетті шаралар қабылдайды. Бұл туралы Орталық сайлау комиссиясының төрағасы Нұрлан Әбдіров мәлімдеді, деп хабарлайды BAQ.KZ тілшісі.
Біріншіден, Еңбек және әлеуметтік қорғау министрлігі мен жергілікті атқарушы органдар сайлау учаскелері туралы мәліметтердің қолжетімділіктің интерактивті картасы порталына енгізілуін көздесін. Екіншіден, жергілікті атқарушы органдар сайлау учаскелерінде мүгедектігі бар азаматтардың дауыс беру жағдайын қамтамасыз ету бойынша қажетті шараларды қабылдасын. Жергілікті атқарушы органдар мүгедектігі бар азаматтардың дауыс беру жағдайларын қамтамасыз ету жөніндегі жұмыста сайлау комиссияларына жәрдем көрсетсін, — деп атап өтті спикер.
Әбдіровтың атап өтуінше, ҚР Контитуция туралы заңның нормаларына сәйкес, жергілікті атқарушы органдар мүгедектігі бар азаматтардың дауыс беруге арналған үй жайларға кедергісіз кіруіне жағдай жасау арқылы олардың сайлау құқықтарын қамтамасыз ету жөніндегі сайлау жұмыста комиссияларына жәрдемдесуге міндетті.
Сайлау учаскесіндегі дауыс беруге арналған үй жайды, дауыс беруге арналған пункты жарақтандыруды да жергілікті атқарушы органдар қамтамасыз ету керек. Олардың дауыс беруге қатысу құқығын іс-жүзінде пайдалану мүмкіндігін қамтамасыз ету бойынша жауапты болады, — деді Орталық сайлау төрағасы.