Алматы облысындағы Қарғалы ауылында оныншы сынып оқушысын қатарласы мектеп дәретханасында ұрып тастаған. Анасының сөзінше, ұлына басқа сынып оқушысы шабуылдаған, деп хабарлайды і Еуразия бірінші арнасы.
Оқушы қарсыласын басынан, арқасынан және бетінен ұрған. Салдарынан жасөспірім жабық бас-ми және кеуде қуысының жарақатын алған. Әйелдің сөзінше, ұлы жай ғана амандаспай кеткені үшін соққыға жығылған.
«Ол ұлыма «Келесі жолы амандаспасаң, өлтіремін. Бүгін-ақ өлтіретін едім, адам көп, сондықтан бұлай істей алмадым» деген. Бала спортпен шұғылданады. Біздің сыныптың ата-аналары өз балалары үшін қорқады, себебі оныншы сыныптардың барлығын үрейде ұстайды. Тіпті ақша да жинаған», – деді зардап шеккен баланың анасы Инара.
Қазір бұл деректі полицейлер тексеріп жатыр.