Бұған дейін белгілі болғандай, Мәжіліс төрағасы Ерлан Қошанов Парламент палаталарының бірлескен отырысын шақыру туралы Өкімге қол қойған болатын.
Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы Парламенті палаталарының бірлескен отырысы 2022 жылғы 16 қыркүйекте сағат 10-да Нұр-Сұлтан қаласында шақырылсын, – деп жазылған Өкім мәтінінде.
Отырысқа Сенаттың 55 депутатының 50 депутаты, Мәжілістің 107 депутатының 99 депутаты қатысуда.
Парламент палаталарының бірлескен отырысын ашық деп жариялаймын. Біздің бүгінгі бірлескен отырысымызға республикамыздың Премьер-министрі, Мемлекеттік кеңесші, Президент әкімшілігінің басшысы, Конституциялық Кеңестің, Орталық сайлау комиссиясының, Жоғарғы Сот кеңесінің төрағалары, Үкімет мүшелері, республика Президентіне тікелей бағынатын және есеп беретін мемлекеттік органдардың басшылары қатысып отыр, — деп атап өтті Мәжіліс төрағасы.