Әлемдік және дәстүрлі діндер көшбасшыларының съезі бүгінде жаһандық деңгейдегі өркениетаралық диалог алаңына айналды. Бұл форумды өткізуге Қазақстанның бастамашылық етуі бекер емес. Себебі қазақ жері ғасырлар бойы батыс пен шығыстың арасындағы көпір болып келеді. Ұлы дала төрінде небір алып көшпелі империялар өмір сүрген. Діни ұстамдылық олардың бәріне ортақ сипат. Мысалы, еліміздің Алматы облысында Қойлық деген ортағасырлық қаланың орны бар. Сол жерде қазба жұмыстары жүргізілді. ХІІ-ХIV ғасырларда осы қалада ислам, христиан және буддизм дінінің ғибадатханалары іргелес тұрғаны анықталды. Шын мәнінде Қазақстан аумағы барлық әлемдік діндердің киелі орындары көрініс тапқан карта іспетті, — деп атап өтті Мемлекет басшысы VII cъездің ашылуында.
Айтуынша, мұсылмандар Арыстан-бабтың, Қожа Ахмет Яссауидің кесенелеріне, Бекет атаның жер асты мешітіне және басқа да қасиетті жерлерге барып зиярат етеді.
Таразда сегізінші ғасырда хриастиандық храмның орнына салынған ең көне мешіт бар. Біз Алматыдағы Вознесен кафедралды соборын мақтан тұтамыз. Бұл бірегей тарихи сәулет ескерткіші – әлемдегі ең биік ағаш ғимараттардың бірі, — деді Қасым-Жомарт Тоқаев.