Әңгіме барысында ол қазіргі таңда көпшіліктің арасында қызу талқыға түсіп жатқан жиынды өткізуге жұмсалатын қаражат мәселесіне тоқталды.
Негізі бұған (съезге – ред.) сырттан келіп жатқан немесе қосымша бюджет бөлініп жатқан жоқ. Жыл сайын мемлекетте басқа елден келетін президенттерге, длипоматтық кездесулерге бөлінетін қаржы бар. Іс-шара сол қаржының аясында өткізіледі. Мысалы, Рим папасы өзінің есебінен келе жатыр. Өз қаражаты есебімен келетін басқа да делегациялар бар. Барлық шығынға кететін қаржыны біздің тарап көтеріп жатыр деу дұрыс емес, — деп атап өтті ресми өкіл.
Алайда қарастырылып отырған бюджетке қатысты нақты жауап бермеді.
Нақты бюджетін қазір айта алмаймын. Оны министрліктен сұрау керек, — деді Назым Жанғазинова.
Еске сала кетейік, бұған дейін ресми өкіл Әлемдік және дәстүрлі діндер съезі халыққа не беретіні туралы айтқан болатын.