Атырауда жезөкшелікпен айналысқан 15 әйел ұсталды, деп хабарлайды ATPress.kz.
Жезөкшелер қаладағы Стройконтора және Восток шағынаудандарындағы тұрғын үйлерден ұсталды. Бұл республика көлемінде өткізіліп жатқан «STOP-Трафик» жедел-профилактикалық іс-шарасы барысында жүзеге асты.
Іс-шара барысында интим массажымен айналысатын екі қызметкер анықталып, 15 жеңіл жүрісті азаматша есепке қойылды.
Қазіргі таңда притондар анықталған пәтер иелеріне қатысты жезөкшелікпен айналысу немесе жеңгетайлық үшін үй-жайлар ұсыну бойынша ҚР ӘҚБтК-нің 450 бабына сәйкес іс-құжаттар жинақталып жатыр.