6 ақпан күні Щучинск қаласында гараждан өрт шығып, салдарынан алты «Газель» көлігі жанып кетті.

Ақмола облысы төтенше жағдайлар департаментінің баспасөз қызметі өрт модульдік гаражды шарпығанын растады.

Ғимарат 290 шаршы метрлік төрт металл контейнерден тұрады. Өрт салдарынан алты «Газель» көлігі жанып кетті. Құрбандар мен зардап шеккендер жоқ. Өрттің шығу себебі анықталуда.