Қазақстан Республикасы Ішкі істер министрлігінің бұйрығымен Нұрлан Мәсімов Павлодар облысы полиция департаменті басшысы қызметінен босатылды. Бұл туралы облыстық полиция департаменті мәлімдеді.


"Қазақстан Республикасының Ішкі істер министрі Ерлан Тұрғымбаевтың бұйрығымен Нұрлан Мырзаханұлы Мәсімов Павлодар облысы полиция департаменті басшысы қызметінен босатылды", делінген хабарламада.

Қазірше облыстық полиция департаменті бастығының міндетін полиция полковнигі Жасқайрат Қайыров атқарады.