Елімізде жазғы Олимпиада ойындары тікелей эфирде көрсетілетін болды

2021-07-23 16:18:14

Источник: http://www.matritca.kz/news/95412-elmzde-zhazy-olimpiada-oyyndary-tkeley-efirde-krsetletn-boldy.html

XXXII Жазғы Олимпиада ойындары тікелей эфирде көрсетіледі. Бұл жайлы «Қазақстан» РТРК» АҚ баспасөз қызметі хабарлауда.

"XXXII Жазғы Олимпиада ойындарының трансляциясына қатысты жапониялық «Dentsu Inc.» компаниясымен келіссөздердің нәтижелі аяқталғанын хабарлаймыз", - дейді «Қазақстан» РТРК» АҚ баспасөз қызметі.

«Қазақстан» телерадиокорпорациясы мен «Хабар» агенттігі» АҚ ел аумағында Токио Олимпиадасын және 2022 жылғы Пекинде өтетін Қысқы Олимпиада ойындарын көрсету құқығын иеленді. Келісімшарт қорытындысы бойынша трансляция құнын қолайлы бағада сатып алу туралы ортақ мәмілеге қол жеткізілді.

Қазақстандықтар 23 шілде мен 8 тамыз аралығында Токиода өтетін Жазғы Олимпиада ойындарын «Qazaqstan», «Qazsport» және «Хабар» телеарналарынан тікелей эфирде көре алады.

Қазақстан құрамасының қоржынында спорттың 27 түрі бойынша 97 лицензия бар.

Елімізде жазғы Олимпиада ойындары тікелей эфирде көрсетілетін болды

Последние новости